نوٹ بندی پر پارلیمنٹ میں چودہویں دن بھی تعطل برقرار

نوٹ بندی کے معاملے پر تحریک التوا کے تحت وزیر اعظم نریندر مودی کی موجودگی میں بحغ کرانے کے مطالبہ پر اپوزیشن نے آج بھی راجیہ سبھا کی کارروائی نہیں چلنے دی اور اس طرح مسلسل چودہویں دن بھی ایوان میں کام کاج ٹھپ رہا۔ اپوزیشن کے ہنگامہ کی وجہ سے دو مرتبہ التوا کے بعد تقریباً ڈھائی بجے راجیہ سبھا کی کارروائی کل تک کے لئے ملتوی کردی گئی ۔ لنچ



کے بعد جب ایوان کی کارروائی شروع ہوئی تو کانگرس کے ڈپٹی لیڈر آنند شرما، مارکسی لیڈر سیتا رام یچوری، ڈی ایم کے تروچی شیوا، بہوجن سماج پارٹی کے ستیش چندر مشرا، ٹی آر ایس کے کیشو راو اور ترنمول کانگریس کے سکھیندو شیکھر رائے نے ایک آواز میں مطالبہ کیا کہ نوٹ بندی پر بحث شروع کرنے کے لئے اپوزیشن تیار ہے لیکن یہ مسٹر مودی کی موجودگی میں ہی ہونی چاہئے ۔